ԾՐԱԳՐԱՅԻՆ ՈՒՍՈՒՄՆԱԿԱՆ ԲԱԺԻՆՆԵՐԻ ՈՒՍՈՒՑՈՒՄԸ
ՏԵՍԱԿԱՆ ՏԵՂԵԿՈՒԹՅՈՒՆՆԵՐ
ՄՄՈՒՀ-ներում <<Տեսական տեղեկություններ>> բաժնի ուսումնական նյութերի ուսուցման համար նախատեսված է 6 ժամ: Այդ ընթացքում սովորողներին տրվում են տեսական գիտելիքներ՝ տարբեր թեմաների վերաբերյալ:
Բացի այդ, յուրաքանչյուր դասի ժամանակ 3-4 րոպե պետք է հատկացնել տեսական գիտելիքների հաղորդմանը:
Այս բաժնի թեմաների ուսուցումը նպատակահարմար է պլանավորել՝ 3 ժամը առաջին կիսամյակում, 3 ժամը երկրորդ կիսամյակում:
Թեմա 1. Ֆիզիկական դաստիարակությունը միջին մասնագիտական կրթական ծրագիր իրականացնող ուսումնական հաստատություններում:
Կրթական հիմնական խնդիրներն են.
• Ծանոթացնել միջին մասնագիտական կրթական ծրագիր իրականացնող ուսումնական հաստատություններում ֆիզիկական կուլտուրայի ծրագրի բովանդակությանը, կազմակերպվող ֆիզկուլտ-առողջարարական, մարզական, մասսայական միջոցառումներին, ֆիզիկական պատրաստականության ստուգողական վարժություններին և նորմատիվներին:
•Տեղեկություններ հաղորդել սովորողների ամենօրյա ռեժիմում ֆիզկուլտուրայի և սպորտի անհրաժեշտության մասին, ֆիզիկական դաստիարակության առողջարարական, դաստիարակչական նշանակության և հետագա աշխատանքային գործունեության նախապատրաստման գործում ունեցող դերի մասին:
Թեմա 2. Ինքնավերահսկողությունը և անվտանգության կանոնները ինքնուրույն ֆիզիկական վարժությունների կատարման ժամանակ
Կրթական հիմնական խնդիրներն են.
• Տեղեկություններ հաղորդել ինքնավերահսկողության վերաբերյալ, ինքնավերահսկողության օբյեկտիվ տվյալների (քաշ, շնչառության հաճախություն և ռիթմ, պուլս, ծանրաբեռնվածության ծավալ և ինտենսիվություն և այլն) և սուբյեկտիվ տվյալների (ինքնազգացողություն, քուն, ախորժակ, տրամադրություն, աշխատունակություն, ցավի զգացողություն, ռեժիմի խախտում և այլն) մասին:
• Գիտելիքներ հաղորդել ինքնուրույն ֆիզիկական վարժությունների կատարման ժամանակ անվտանգության կանոնների պահպանման վերաբերյալ:
Թեմա 3. Առողջ ապրելակերպը սովորողների կյանքում
Կրթական հիմնական խնդիրներն են.
• Տեղեկություններ հաղորդել օրվա ռեժիմի, հիգիենայի և մարդու առողջության ամրապնդման և աշխատունակության բարձրացման գործում դրանց ազդեցության վեաբերյալ: Հիգիենիկ կանոնները ուսումնական դասերի ժամանակ:
• Գիտելիքներ հաղորդել կոփման միջոցների (արև, օդ, ջուր) և կոփվելու հիմնական կանոնների մասին:
• Տեղեկություններ հաղորդել ռացիոնալ սննդի և սննդի ընդունման կանոնակարգի մասին:
• Տեղեկություններ հաղորդել ֆիզիկական վարժությունների նշանակության մասին` որպես մտավոր և ֆիզիկական աշխատունակության բարձրացման միջոց:
• Տեղեկություններ հաղորդել վնասակար սովորությունների` ծխախոտի, ալկոհոլի և թմրանյութերի օգտագործման կործանարարության վերաբերյալ:
Թեմա 4. Ժամանակակից օլիմպիական խաղերը և հայ անվանի մարզիկները
Կրթական հիմնական խնդիրներն են.
• Տեղեկություններ հաղորդել ժամանակակից օլիմպիական խաղերի կազմակերպման, անցկացման, օլիմպիական խորհրդանիշների վերաբերյալ:
• Տեղեկություններ հաղորդել ամառային և ձմեռային օլիմպիական խաղերի, օլիմպիական մարզաձևերի և քաղաքների վերաբերյալ:
• Տեղեկություններ հաղորդել օլիմպիական խաղերին հայ մարզիկների մասնակցության, հայ օլիմպիական և աշխարհի չեմպիոնների մասին:
Թեմա 5. Մասնագիտական կիրառական ֆիզիկական պատրաստականություն
Կրթական հիմնական խնդիրներն են.
Տեղեկություններ հաղորդել`
• Աշխատանքի տարբեր ձևերի (մտավոր աշխատանք, ֆիզիկական աշխատանք, աշխատանքի խառը ձևեր) և աշխատանքի ընթացքում մարդու աշխատունակության դինամիկայի վերաբերյալ:
• Աշխատանքի, հանգստի և ռացիոնալ սննդի ընդունման ճիշտ ռեժիմի դերը աշխատունակության բարձրացման և պահպանման գործում:
Ակտիվ հանգիստը՝ որպես աշխատունակության վերականգնման միջոցներից մեկը:
• Ֆիզկուլտուրայի և սպորտի դասերի ազդեցությունը մասնագիտական ուսուցման արագացման և որակավորման բարձրացման գործում:
• Մասնագետի ֆիզիկական պատրաստականությանն առաջադրվող հիմնական պահանջները:
• Մասնագիտական կիրառական ունակությունների և հմտությունների յուրացումը:
• Ֆիզիկական կուլտուրայի և սպորտի միջոցներով մասնագիտական բարձր աշխատունակության ապահովումը:
• Ֆիզիկական կուլտուրայի և սպորտի տարբեր ձևերի ընտրության մեթոդիկան և դրանց օգտագործումը մասնագիտական հիվանդությունները կարխարգելելու, հոգնածության և արտադրական վնասվածքների դեմ պայքարելու նպատակով:
Թեմա 6. Գերհոգնածությունը և դրա կանխարգելման միջոցները:
Կրթական հիմնական խնդիրներն են.
• Տեղեկություններ հաղորդել ֆիզիկական և մտավոր աշխատանքի ժամանակ օրգանիզմի հոգնածության առաջացման պատճառների մասին:
• Տեղեկություններ հաղորդել գերհոգնածության հետևանքով օրգանիզմում առաջացած փոփոխությունների, օբյեկտիվ և սուբյեկտիվ ցուցանիշների վերաբերյալ:
• Տեղեկություններ հաղորդել գերհոգնածության կանխարգելման միջոցների վերաբերյալ:
Աղբյուրը՝
Ֆիզիկական կուլտուրայի դասավանդումը ՄՄՈՒՀ-ներում – մեթոդական ձեռնարկ – Հովհաննես Գաբրիելյան – Կրթության ազգային ինստիտուտ, Երևան 2014
Комментариев нет:
Отправить комментарий