ՔՊ ինժեներական ծառայություն: ՔՊ բժշկական ծառայություն

 ՔՊ ինժեներական ծառայություն: ՔՊ բժշկական ծառայություն

 

 Քաղաքացիական պաշտպանության ինժեներական ծառայությունը ստեղծվում է մարզպետարանի շինարարության և բարեկարգման, ճարտարապետության և քաղաքաշինության վարչությունների բազաների վրա:

 

 Ծառայության խնդիրներն են`

. քաղաքացիական պաշտպանության միջոցառումների պլանավորումն, իրականացման ապահովումը համակարգը պատրաստության բերման ժամանակ

.  քաղաքացիական պաշտպանության ինժեներական ծառայության մասնագիտացված կազմավորումների ստեղծումը, դրանց ապահովումն անհրաժեշտ նյութատեխնիկական միջոցներով, պատրաստումը և պահպանումը մշտական պատրաստության վիճակում

. շենքերի, շինությունների, ինժեներական կառույցների, տարածքով անցնող մայրուղիների և ճանապարհային ցանցի վերաբերյալ իրական տեղեկատվության ստացման, վերլուծման, գնահատման կազմակերպումը և Երևան քաղաքի քաղաքացիականպաշտպանության պետին ՓԱՎՎԱ կազմակերպման վերաբերյալ առաջարկությունների ներկայացումը

.  պաշտպանական կառույցների շինարարության պլանավորումը, կազմակերպումը և պատսպարվող բնակչության ընդունման համար այդ կառույցները պատրաստ վիճակում պահելը

. պաշտպանական կառույցների և բնակչության պատսպարման համար նախատեսված այլ տարածքների նախապատրաստման, վերանորոգման աշխատանքների պլանավորումը և դրանց շահագործման նկատմամբ հսկողության սահմանումը

. պաշտպանական կառույցներին բնակչության ամրագրումը. փրկարարական, անհետաձգելի վթարավերականգնողական աշխատանքների ինժեներական ապահովումը:

 

 Ծառայությունն իր խնդիրները կատարելու նպատակով իրականացնում է՝

. մասնակցություն քաղաքացիական պաշտպանության պլանի մշակմանը (ինժեներական ծառայության մասով

. ռազմական գործողությունների հետևանքների գնահատումը

. քաղաքացիական պաշտպանության նախապատրաստական և հիմնական միջոցառումների պլանավորումն ու իրականացման ապահովումը

. ծառայության և մասնագիտացված կազմավորումների մշտական պատրաստության ապահովումը

. ծառայության անձնակազմի և կազմավորումների ազդարարման, հավաքի կազմակերպման, հաշվետախտակային գույքով ու անհատական պաշտպանության միջոցներով ապահովումը

. այլ ծառայությունների հետ փոխգործակցությունների կազմակերպումը. Հայաստանի Հանրապետության կառավարության կողմից սահմանված կարգով ծառայության և կազմավորումների ղեկավար կազմի նախապատրաստումն ու ուսուցումը

. մասնագիտական հետախուզության կազմակերպումը, իրադրության գնահատումը, վերլուծումը, առաջարկությունների ներկայացումը և որոշումների ընդունումը։

 

 Բժշկական ծառայությունը ստեղծվում է մարզպետարանի առողջապահության վարչության, ինչպես նաև սոցիալական ապահովության, առողջապահության և ծրագրերի բաժինների, գերատեսչական բժշկական կազմակերպությունների և հիմնարկների բազայի վրա:

 

 Ծառայության խնդիրներն են`

. հակառակորդի հարձակման վտանգի և հարձակման ժամանակ բնակչության բժշկական ապահովումն ու տուժած բնակչությանը բժշկական օգնություն ցույց տալը

. ռազմական դրության ժամանակ բնակչության առողջության վրա շրջակա միջավայրի ազդեցության գործոնների հիգիենիկ, վարակիչ և զանգվածային հիվանդությունների, թունավորումների կանխարգելման սանիտարահիգիենիկ ու հակահամաճարակային միջոցառումների մշակումը և իրականացման ապահովումը:

 

 Ծառայությունն իր խնդիրները կատարելու նպատակով իրականացնում է հետևյալ գործառույթները`

. քաղաքացիական պաշտպանության նախապատրաստական և հիմնական միջոցառումների պլանավորումն ու իրականացման ապահովումը

.  ծառայության և մասնագիտացված կազմավորումների մշտական պատրաստության ապահովումը

.  ծառայության անձնակազմի և կազմավորումների ազդարարման, հավաքի կազմակերպման, հաշվետախտակային գույքով ու անհատական պաշտպանության միջոցներով ապահովումը

. այլ ծառայությունների հետ փոխգործակցությունների կազմակերպումը

. Հայաստանի Հանրապետության կառավարության կողմից սահմանված կարգով ծառայության և կազմավորումների ղեկավար կազմի նախապատրաստումն ու ուսուցումը

.  մասնագիտական հետախուզության կազմակերպումը, իրադրության գնահատումը, վերլուծումը, առաջարկությունների ներկայացումը և որոշումների ընդունումը:

 

Այլ՝

Քաղաքացիական պաշտպանության հիմունքներ

https://lifestarsociety.blogspot.com/