Օպերատիվ և հրդեհաշիջման շտաբների կազմակերպումը հրդեհաշիջման ժամանակ
Հրշեջ-փրկարարական ստորաբաժանումների հիմնական և առաջնային մարտավարական ստորաբաժանումները
oպերատիվ շտաբ - բարդ, խոշոր և երկարատև հրդեհների դեպքում ստեղծվող ժամանակավոր ղեկավար մարմին, որն արդյունավետ հրդեհաշիջում կատարելու նպատակով իրականացնում է կազմակերպչական և այլ համալիր միջոցառումներ.
հրդեհաշիջման շտաբ - հրդեհի վայրում հրդեհաշիջման ղեկավարի որոշմամբ ստեղծված ժամանակավոր ղեկավար մարմին, որի հիմնական խնդիրն է ապահովել հրդեհաշիջման ղեկավարի որոշումների կատարումը.
Հրդեհի բարդությունից կախված՝ հրդեհաշիջման ղեկավարը գնահատելով իրավիճակը, արդյունավետ հրդեհաշիջման կազմակերպման նպատակով, ինչպես նաև ուժերն ու միջոցները ղեկավարելու համար, ստեղծում է հրդեհաշիջման տեղամասեր, իսկ անվտանգ տարածքում հրդեհաշիջման շտաբ:
Հրդեհաշիջման շտաբի կազմում ընդգրկվում են են շտաբի պետը, թիկունքի պետը, ՀՀ ԱԻՆ ՓԾ թիկունքի և նյութատեխնիկական ապահովման վարչության ներկայացուցիչը, հրդեհաշիջում իրականացնող ստորաբաժանումների և օբյեկտի ծառա-յությունների, ինչպես նաև շահագրգիռ այլ գերատեսչությունների և ծառայությունների ներկայացուցիչները:
Հրդեհաշիջման շտաբի գտնվելու վայրում տեղադրվում է սեղան, ռադիոկայան, ինչպես նաև ՛՛Շ՛՛ տառով դրոշմված շարժական դրոշաձող և այլ անհրաժեշտ միջոցներ:
Հրդեհաշիջման շտաբի պետը ենթարկվում է հրդեհաշիջման ղեկավարին, ղեկավարում է շտաբի գործունեությունը, ապահովում է հրդեհաշիջման ղեկավարի ընդունած որոշումների կատարումը:
Հրդեհաշիջման շտաբի պետ է նշանակվում հրդեհաշիջմանը ներգրավված, կազմակերպչական ունակություններով օժտված, մասնագիտական պատրաստվածություն ունեցող, փրկարարական ծառայության ավագ և բարձր պաշտոն զբաղեցնող պաշտոնատար անձը:
խումբ - երկու և ավելի օղակների կազմով հիմնական հրշեջ ավտոմեքենաներով՝ հրշեջ-փրկարարական ուժերի հիմնական մարտավարական ստորաբաժանում, որն ունակ է ինքնուրույն լուծել փրկարարական խնդիրներ՝ իր մարտավարական հնարա-վորություններին համապատասխան.
oղակ - հրշեջ ավտոբաքով կամ ավտոպոմպով առաջնային հրշեջ-փրկարարական ստորաբաժանում, որն ունակ է ինքնուրույն լուծելու մարդկանց և նյութական արժեքները փրկելու, հրդեհը մարելու առանձին խնդիրներ.
Комментариев нет:
Отправить комментарий