Առանձնահատուկ պայմաններում կատարվող վթարավերականգնողական անհետաձգելի աշխատանքների անվտանգության միջոցառումները
Վթարային աշխատանքների կազմակերպման և իրականացման ժամանակ պետք է հաշվի առնել ձմռան ժամանակաշրջանին յուրահատուկ մի շարք առանձնահատկություններ: Առաջին հերթին անհրաժեշտ է հոգ տանել ցրտից անձնակազմը պաշտպանելու մասին: Վատ եղանակից և ցածր ջերմաստիճանից պաշտպանվելու համար կարելի է օգտագործել չվնասված և մարդկանց տեղավորման համար պիտանի բնակելի շենքեր ու շինություններ, նկուղային և կիսանկուղային տարածքներ: Այս շինություններում պետք է տեղակայել վառարաններ կամ տաքացնող այլ սարքեր թվարկված հնարավորությունների բացակայության դեպքում մարդկանց ցրտից պաշտպանելու համար կառուցվում են դաշտային տիպի ժամանակավոր կառույցներ (վրաններ, ծածկեր, գետնափոր կացարաններ և այլն): Ձմռանն աշխատող անձնակազմին պետք է տեղափոխել ավտոբուսներով կամ ծածկված թափքեր ունեցող ավտոմոբիլներով: Շարժման ուղիներում, ինչպես նաև փրկարարական և ՎՎԱ տարվող տեղամասերում պետք է կազմակերպել տաքացման կետեր: Այդ նպատակով հարմար է օգտագործել պահպանված շենքերն ու շինությունները: Գիշերային պայմաններում փրկարարական և վթարավերականգնողական աշխատանքների կատարման անհրաժեշտությունը պահանջում է աշխատավայրերի, մարդկանց ու տեխնիկայի տեղաշարժման մայրուղիների, անցուղիների լուսավորության կազմակերպում:
Գիշերային լուսավորման համար օգտագործվում են լուսատուներ ու լուսարձակներ որոնք լայնորեն կիրառվում են նաև շենքերի, հուշարձանների դեկորատիվ լուսավորման համար:
Բացի սրանցից, լուսավորման համար կարելի է օգտագործել 60, 100, 150, 200վտ հզորությամբ լամպեր: Այդ նպատակով շինհրապարակի պարագծով միմյանցից 20-30մ հեռավորությամբ տեղադրվող սյուների կամ մեկուսացված բարձակների վրա կախվում են լուսատու լամպեր:
Տարածքի լուսավորման համար անհրաժեշտ հզորությունը որոշվում է` հզորության տեսակարար ծախսը լուսավորվող հրապարակի մակերեսին բազմապատկելու միջոցով (վտ/մ2): Որոշ աշխատատեսակների համար հզորության տեսակարար ծախսը խորհուրդ է տրվում ընդունել`
• ձեռքով կատարվող հողային աշխատանքներ 0,6-0,83
• մեքենայացված հողային աշխատանքներ 2-2,5
• մետաղական կոնստրուկցիաների նախապատրաստում և հավաքակցում 3-3,7
Այն դեպքում, երբ պահպանված են փողոցային լուսատուներն ու էլեկտրամատակարարման աղբյուրները, լուսավորման ցանցերը կարելի է վերականգնել ժամանակավոր մալուխներով` դրանք միացնելով մոտակա օբյեկտների բաշխիչ վահանակներին կամ տրանսֆորմատորային ենթակայաններին:
Եթե բաշխիչ ցանցը օգտագործման ենթակա չէ, ապա լուսավորման համար օգտագործում են շարժական լուսատուներ և լուսարձակներ: Դրա համար փրկարարական և ՎՎԱ կազմավորումները պետք է հագեցված լինեն նաև լուսատու շարժական սարքերով, մալուխներով, եռոտանի կանգնակներով և այլն: Լուսատուների էլեկտրասնման համար օգտագործում են շարժական էլեկտրակայաններ: Երբեմն հրատապ, կարճատև աշխատանքների համար կիրառվում են ավտոմոբիլների, տրակտորների, քարշակների լուսարձակները
Ճանապարհային նշանները տվյալ տարածքներում նույնպես պետք է միացվեն լուսավորման ցանցերին կամ շարժական էլեկտրակայաններին, դրանցում պետք է օգտագործվեն նաև անդրադարձնող հատուկ ներկեր, քսուկներ և այլն:
Комментариев нет:
Отправить комментарий