Բնակարանային կոմունալ համակարգի նկարագիրն և հնարավոր արտակարգ իրավիճակների դասակարգումը, անսովոր տևական սառնամանիքների պայմաններում կոմունալ համարգի պահպանման և սպասարկման առանձնահատկությունները
Բնակարանային կոմունալ համակարգում հնարավոր ԱԻ կարող են առաջանալ բնական աղետների, ինչպես նաև այլ ոլորտներում ծագող տեխնածին վթարների, համաճարակների, ահաբեկչությունների և ներհամակարգային տեխնոլոգիական վթարներ հետևանքով:
Հնարավոր արտակարգ իրավիճակները ըստ իրենց առաջացման երևույթների կարելի բաժանվում են 4 խմբի.
1.Արտակարգ իրավիճակներ առաջացած բնական աղետների հետևանքով: Օր.՝ երկրաշարժերը, հեղեղները, սողանքները, փլուզումները, ուժեղ քամիները, տեղատարափ անձրևները, կարկուտները, բնական հրդեհները և այլն:
2.ԱԻ առաջացած համաճարակների հետևանքով, որոնք ի հայտ են գալիս խմելու ջրի, հոսքաջրերի, սննդի մնացորդների, կենցաղային աղբի, կրծողների, թափարող շների, կատուների և այլ կենդանիների միջոցով ծագած կամ տարածված հիմնականում աղեստամոքսային կամ սուր վարակիչ հիվանդությունների և թունավորումների տեսքով:
3.ԱԻ, առաջացած համակարգում, ինչպես նաև հանրային տնտեսության այլ բնագավառներում ծագած խոշոր վթարների և տեխնոլոգիական աղետների հետևանքով:
4.ԱԻ ծագած տնտեսական, սոցիալական ճգնաժամերի, պատերազմական իրավիճակների հետևանքով: Այստեղ առաջնային են վառելիքա-էներգետիկ ռեսուրսների, նյութական, սահմանամերձ գոտիներին բնորոշ լարվածությունը, բնական ու էկոլոգիական աղետները:
Աղետները կարելի է տարբերակել ըստ հիմքում ընկած երևույթների ուժգնության, տևողության, հետևանքների և այլն: Տևական անսովոր սառնամանիքները կարող են լուրջ ազդեցություն գործել տնտեսության տարբեր բնագավառների, բնակչության կենսագործունեության վրա: «Անսովոր սառնամանիքը» սովորաբար դիտարկվում է տվյալ տեղանքի համար նորմատիվա-տեխնիկական փաստաթղթերով սահմանված արտաքին օդի նվազագույն հաշվարկային ջերմաստիճանի համեմատման, ինչպես նաև վերջին տարիների բնակլիմայական պայմանների դիտարկման արդյունքների համեմատման շրջանակներում: 2002-2003թթ. ձմեռանը, պաշտոնապես հայտարարվեց, որ ՀՀ վերջին 100 տարվա ընթացքում դիտարկվում է 2-րդ անգամ: Ըստ տևողության անսովոր սառնամանիքները կարող են շարունակվել մի քանի օրից մինչև շաբաթներ, նույնիսկ ամիսներ: ԱԻ-ը տնտեսության համար խիստ վտանգավոր են` լի անցանկալի հետևանքներով`
• բազմաբնակարան շենքերի ընդհանուր խողովակագծերի զանգվածային սառցակալումներ, խցանումներ, վթարներ, որոնք նպաստում են կենցաղում տաք ջրի օգտագործման հարկադրական սահմանափակումների,
• բնակարանային ներքին ջերմաստիճանի սրընթաց նվազում,
• փողոցների, մայթերի, անցումների սառցակալում, մարդկանց, հատուկ, սպասարկող և մատակարարող տրանսպորտի աշխատանքի խաթարում,
• գազաբաշխիչ ցանցերում բնական գազի ճնշման անկում:
Տնտեսության ձմռանը նախապատրաստելու գործում ամենակարևոր խնդիրներից մեկը հանդիսանում է վառելիքաէներգետիկ պաշարների ձեռք բերմը և արդյունավետ օգտագործման, որտեղ պետք է հաշվի առնել նաև անսովոր սառնամանիքների հավանականությունը: Պահեստային վառելիքը պետք է կուտակել գարնան-ամռան ամիսներին, հարկ եղած դեպքում այն արագորեն բնակչությանը և կենսապահովման առաջնային օբյեկտներին բաշխելու համար:
Բացի սրանից, անհրաժեշտ է`
• նորոգել շինությունների, տանիքների հիմնամասերը, վերականգնել ապակեպատ շքամուտքերի դռները, պատուհանները,
• բնակելի շենքերում նորոգել ծխաօդատար ուղիները, իսկ դրանց բացակայության դեպքում ստեղծել բավարար պայմաններ` վառարանային-անհատական ջեռուցում կազմակերպելու համար,
• ժամանակին իրականացնել փողոցների և մայթերի մաքրմը, ձնահեռացման մեքենաների ու մեխանիզմների միջոցով, պահեստավորել ավազի ու աղի խառնուրդներ:
Комментариев нет:
Отправить комментарий